Dukagjin Pupovci: Pa hyrRektori nuk mund të shkarkojë dekanët


Nuk shoh ndonjë mundësi ligjore që rektori të shkarkojë dekanin. Dekanët zgjidhen dhe shkarkohen nga Senati i Universitetit. Flet Dukagjin Pupovci, anëtar i Këshillit Drejtues të Universitet të Prishtinës.


Si i vlerësoni veprimet e fundit të rektorit Enver Hasani,siç janë shkarkimi i një rektori dhe disa profesorëve të tjerë?

Në motive të shkarkimit, nuk shoh ndonjë mundësi ligjore që rektori të shkarkojë dekanin. Dekanët zgjidhen dhe shkarkohen nga Senati i Universitetit, ndërkohë që shkarkimi bëhet me shumicë të kualifikuar prej 2/3 të anëtarëve të Senatit. Mendoj se në Universitet duhet t'i shmangemi leximit të normave ligjore mes rreshtave, sidomos në ato raste kur korniza për veprim është qartë e definuar. Përsëri pa hyrë në motive, rektori, si zyrtari më i lartë menaxhues, ka të drejtë të iniciojë procedurë disiplinore ndaj stafit akademik dhe jo akademik, gjë të cilën e ka bërë në disa raste. Çka keni kërkuar nga Rektori të mërkurën në mbledhjen e Këshillit Drejtues? Dukagjin Pupovci:Personalisht nuk kam kërkuar asgjë më shumë as më pak se që duhet të kërkojë një anëtar i KëshillitDrejtues. Kam kërkuar respektimin e ligjshmërisë me rastin e marrjes së vendimeve dhe do të vazhdoj ta kërkoj edhe më tutje.Në Universitet jemi ngopur me kriza në të kaluarën dhe,mendoj se duhet të përqendrohemi në probleme reale, të cilat duhet të zgjidhen brenda një kuadri ligjor të përcaktuar. Në mbledhjen e fundit është shprehur një vullnet i mirë i Këshillit Drejtues dhe i rektorit që të bashkërenditen më mirë veprimet në të ardhmen. Enver Hasani ka thënë se roli i KD – së nuk është t’i kontrollojë shkarkimet apo emërimet eventuale të titullarëve nëpër njësitë akademike.Mendoni edhe ju kështu? Dukagjin Pupovci: Ka të drejtë - ky nuk është roli i Këshillit Drejtues, por as i rektorit. Zgjedhjen dhe shkarkimin e dekanëve dhe të prodekanëve e bën Senati, rektori mund të jete njëri nga propozuesit dhe, kuptohet, të ndikojë në vendime të Senatit, pasi, sipas detyrës zyrtare, e kryeson Senatin. Rektori ka në dispozicion mekanizma të tjerë për të zgjidhur konflikte eventuale me titullarë të zgjedhur, por jo edhe shkarkimin - këtë mund ta bëjë vetëm organi që e ka zgjedhur titullarin. Ndërkaq, Këshilli Drejtues ka të drejtë dhe detyrë të reflektojë ndaj të gjitha vendimeve të rektorit apo të Senatit që kanë të bëjnë me shkarkime dhe marrëdhënie të punës. Pse jeni ju kundër luftimit të plagjiaturës që është duke bërë UP-ja. Dhe përseKëshilli Drejtues është duke u munduar t’i mbrojë plagjiatorët? Dukagjin Pupovci: Nuk e di nga e keni fituar këtë përshtypje se jam kundër luftimit të plagjiarizmit - nuk më kujtohet të jem prononcuar ndonjëherë rreth kësaj teme. Pasi po më pyetni tani, po Ju them se plagjiarizmi është një dukuri e shëmtuar, e cila meriton çdo dënim, por luftimi i kësaj dukurie nuk bëhet duke denoncuar njëri-tjetrin në mënyrë të fshehtë, e aq më pak duke marrë vendime në bazë të raporteve të komisioneve anonime. Ata që kuptojnë se një libër ose një temë doktorate është plagjiat, duhet të kenë aq guxim qytetar dhe intelektual për të dalë me emra, duke i prezantuar faktet në mënyrë të argumentuar. Keni pasur raste të tilla në gazetën tuaj dhe unë kam respekt për ata që i kanë prezantuar, edhe pse nuk mund të gjykoj për saktësinë e pohimeve të tyre. Përndryshe, luftimi i plagjiarizmit shndërrohet në qërim hepasesh personale, ose, edhe me keq, në shkëmbim të favoreve në kuptimin "hesht se do të hesht edhe unë". Është shumë e papëlqyeshme që një institucion të arsimit të lartë të kultivohet fryma e shantazhit dhe e denoncimit të njerëzve. Nuk mendoj se dikush në Këshillin Drejtues është kundër luftimit të plagjiarizmit. Përkundrazi, është diskutuar haptas për mënyrat e veprimit në raste të tilla, dhe kjo ka qenë njëra ndër pikat ku pajtimi i Këshillit Drejtues me rektorin ka qenë pothuaj se 100 %. Është marrë edhe një vendim që përcakton disa procedura të përkohshme.

ASNJË KOMPROPMIS

Akuzat e Dukagjin Pupovcit ndaj rektorit Enver Hasani, ky i fundit i vlerëson si personale. Hasani thotë se është Pupovci me mish e shpirt ka qenë kundër zgjedhjes së tij për rektor. Asnjë kompromis me plagjiatorët. Shkarkimin tim
dikush mund ta shohë vetëm në ëndërr. Flet Enver Hasani për gazeten Express.

Anëtarë të Këshillit Drejtues kanë thënë se ju duhet t’i ktheni të gjithë profesorët e suspenduar? Do të ndodhë kjo?

Enver Hasani: Nuk është e vërtetë. Ai nuk është qëndrimi i Këshillit Drejtues, ky nuk është qëndrim i tyre. Aty është folur për kushtet, është formuar një komision që do t’i përcaktojë kushtet dhe rrethanat në të cilat mund të bëhet shkarkimi i jashtëzakonshëm i dekanëve ose i menaxherëve të tjerë brenda Rektoratit. Kjo është praktikë në çdo universitet civilizues, në shtetet perëndimore, nuk është vetëm te ne dhe atë të drejtë e kam unë si rektor në bazë të nenin 25 pika, 5 ku KD – ja duhet të caktojë një kuadër. Kur dekani merr pjesë në rrahje, në ndonjë vepër penale, kur e bllokon
procesin dhe nuk është në gjendje të menaxhojë si duhet. Për arsye menaxheriale, sepse dekanët janë bartës të mi imediatë, ata më përgjigjen mua, sipas statutit.

Pse Këshilli Drejtues është kundër jush? Ata ju kanë akuzuar për shkarkimet që keni bërë në UP.

Enver Hasani: Jo, ata nuk janë kundër meje. Këshilli Drejtues, përveç një mendimi të Dukagjin Pupovcit, i cili edhe e ka shprehur në media që ka qenë mendim personal. Pjesa tjetër e Këshillit Drejtues janë që të formohet komisioni dhe ta caktojë kornizën për procedura për kushtet e
shkarkimit të dekanëve siç është praktikë në të gjitha universitet evropiane.

Dukagjin Pupovci ju akuzon juve se keni shkelur ligjin për rastet e plagjiaturave dhe me këto veprime UP-ja është duke humbur prestigjin.

Enver Hasani: Jo, më fal. Në qoftë se e mbron plagjiaturën, unë mendoj se duke e mbrojtur plagjiaturën humbet prestigji i Universitetit. I vetmi vendim për plagjiatura është marrë dhe propozuar nga unë. Unë kam bërë propozimin, jo Këshilli Drejtues. Që profesorit t`i revokohet titulli akademik, sepse ka qenë profesor ordinar, bëhet profesor i asistuar dhe kështu me radhë. I hiqet libri nga përdorimi, i ndalohet për tri vjet të bëjë vlerësime profesionale. Këto janë masa të cilat bien në kompetencën time dhe është formuar një komision që do ta bëjë një rregullore për të. Unë e rezervoj të drejtën e suspendimit, siç ka qenë deri dje. Unë i kam sugjeruar Këshillit që të bëjmë masa më të strukturuara dhe i kahije një universiteti, që kur të gjejë dikë që ka bërë plagjiat, që t`i revokojë titujt akademikë që i ka.

A e keni ju të drejtën e suspendimit të dekanëve dhe profesorëve?

Enver Hasani :Po, unë kam këtë të drejtë. Dukagjin Pupovci nuk është jurist edhe nuk mund t’i dijë këto gjëra, normalisht. Unë i kam të drejtat individuale si rektor dhe detyrimet me nenin 28, saktësisht të përcaktuara dhe unë ato i realizoj në bazë një kornize që e cakton Këshilli Drejtues. Nëse KD-ja nuk e cakton atë kornizë, atëherë ato ne i realizojmë ad hoc varësisht se si paraqiten rrethanat. I vetmi autoritet për ta interpretuar këtë është Kuvendi i Kosovës, sepse ai e ka nxjerrë statutin. Unë e zbatoj ashtu siç e shoh. Në të gjitha universitetet rektori ka të drejtë në rrethana të caktuara të bëjë shkarkime të eprorëve imediatë që i përgjigjen rektorit. Dekani ka nenin 73, ku thuhet se dekani i përgjigjet rektorit. Në këtë bazë është paraparë në nenin 28 shkarkimi edhe në versionin shqip edhe në versionin origjinal që është “Dismissal”, pa përjashtim ka kuptimin e shkarkimit nga posti, dhe unë këtë të drejtë e kam. Dhe unë nuk kam asnjë dyshim që këtë të drejtë e kanë edhe rektorët e universiteteve të civilizuara në botë. Mirëpo, kjo është pasojë. Nuk janë mësuar këtu. Këtu duhet të bëhet rend edhe ligj, dhe unë deri në fund, pa asnjë hezitim, do ta zbatoj.

Pse Dukagjin Pupovci, mbron plagjiatorët, apo profesorët që kanë bërë plagjiat?

Enver Hasani: Për këtë duhet ta pyesni Dukagjinin, unë atë nuk e kuptoj.

U frikësohet Këshilli Drejtues këtyre vendimeve për suspendim. Mos kanë bërë edhe ata vetë ndonjë plagjiat?

Enver Hasani: Nuk e besoj. Unë kam thënë që plagjiatura është njëfarë lloj katarzi i Universitetit. Është politikë akademike e këtij Universiteti dhe çdo universiteti në tërë rruzullin tokësor që është serioz. Në Juridik ka përfunduarnjë rast dhe ka dalë se nuk është plagjiat dhe javën që vjen do ta shihni që nuk ka qenë. Është libër i dobët, por jo plagjiat. Edhe në universitetet më prestigjioze, si p.sh në Kembrixh nuk përjashtohet mundësia të ketë plagjiat. Dhjetë veta prej 10 mijë punëtorëve,
nuk është fare e rëndësishme.

A do të dorëzoheni para kësaj lufte?

Enver Hasani: Në asnjë mënyrë. Dikush mund të shohë ëndrra që përmend shkarkimin tim. Ato janë vetëm ëndrra dhe dëshira të dikujt, të atyre që dikur nuk kanë pasur dëshirë që unë të bëhem rektor. Janë po ata njerëz që kanë bërë këtë për motive personale.

KD-ja ju ka akuzuar për shkelje të ligjit,humbjen e prestigjit të UP-së, e shumë akuza të tjera.

Enver Hasani : Ekziston procesverbali i Këshillit Drejtues. Ato që kanë dalë në gazetë nuk janë fare qëndrime të Këshillit Drejtues, ato janë vetëm qëndrime personale të një personi, 99 për qind nuk janë të vërteta ato.

Kush e ka fjalën përfundimtare në Këshillin Drejtues?

Enver Hasani: Në emër të Këshillit Drejtues nuk mund të flasë askush, as rektori, as anëtarët e thjeshtë. Mund të flasë vetëm kryetari dhe nënkryetari. Ky është rregulli.

Në bazë të kësaj që thoni ju,nuk paskeni mosmarrëveshje me KD-në?

Enver Hasani: Këshilli Drejtues në asnjë mënyrë nuk ka shprehur mospajtim në mbledhjen e fundit për sa i përket asaj. Ata vetëm kanë kërkuar që të formohet një komision që të caktojë kornizën, që t`i caktojë rastet që dihet. P.sh. huliganizmi, rrahja, vjedhja, plagjiatura. Kur dekani bën plagjiat, normal që do ta shkarkoj, nuk ka nevojë të diskutojmë. Kur rektori, prorektori apo dekani zihen në vepra të pahijshme financiare, keqmenaxhim, është ky standard ndërkombëtar.

Keni ndonjë porosi për Dukagjin Pupovcin.

Enver Hasani: Jo, ai është mendim i lirë. Dukagjini është anëtar i Këshillit, mund ta japë mendimin e lirë privat dhe publik, por nuk ka të drejtë të flasë në emër të KD –së.

Hasani: Kështu nuk shkon


Nga: Ardian Zejnaj

Thotë se nuk kam bërë spastrime dhe se, UP-ja ka një administratë të viteve ’70 të shekullit të kaluar, për dallim nga institucionet tjera publike ku ajo është e re, dhe kjo administratë nuk është efektive sa duhet.

-Se UP-ja deri këtë vit ka qenë vetëm arenë ku 80 për qind e kohës ka kaluar duke hyrë e duke dalë nga provimet dhe kjo gjendje e tillë ekziston vetëm edhe në universitet serbe.

- Që kush beson në vetëmajftushmëri të dijes që prodhohet në Kosovës, është naivi më i madh.

- Pyet, se a ka një universitet ndokund në botën perëndimore ku ti mund të bëhesh profesor pa botuar kurrë asnjë shkrim që ka recension ndërkombëtar?

- Se asnjë euro nuk ia ka dhënë Gerog Veber e as nuk ka ndërmend të paguaj, sepse nuk ka të drejtë për një gjë të tillë.


Prof. Hasani u bënë muaj që jeni në krye të Universitetit të Prishtinës, çfarë mund të thuhet se ka ndryshuar që nga ardhja juaj në këtë pozitë?

HASANI : Unë kam marrë UP-në në një gjendje shumë të vështirë dhe ka qenë koha e fundit t’i jepet një drejtim pozitiv zhvillimit të këtij institucioni. Misioni im, siç e kam bërë të qartë ditën kur jam zgjedhur, ka qenë dhe është i dy llojit: së pari ta stabilizojmë UP-në, dhe, së dyti, të fillojmë reformat e mirëfillta. Stabilizimi nënkupton edhe eliminimin e pasojave të asaj që është quajtur reformë e UP-së. Besoj se mirë jemi duke shkuar në dy drejtimet: kemi bere disiplinimin deri ne fund te financave, te avancimeve akademike, dhe te marrjes se titujve akademik, kemi hapur UP-ne ndaj botes, kemi siguruar me qindra, jo me dhjetëra bursa për studentët tanë jashtë buxhetit të Kosovës, kemi rregulluar infrastrukturën për dy muaj në çdo fakultet dhe në hapësirën e UP-se, kemi arritur që në semestrin tjetër të rimarrim objektin e dy ministrive për Fakultetin e Arteve, kemi dërguar për shkollim jashtë vendi, për doktoratë, një asistent, kemi angazhuar shtate asistente të rinj dhe katër doktorë shkence të shkulluar në universitete me renome jashtë vendit, dhe shumë gjëra tjera.

UP ka një administratë të viteve ’70 të shekullit të kaluar, për dallim nga institucionet tjera publike ku ajo është e re, dhe kjo administratë nuk është efektive sa duhet

Mbase puna juaj nuk po kalon pa kritika, çfarë nuk po ecën ose pse mendoni se u drejtohen ato?

HASANI: Kritikat kanë filluar në atë moment kur unë nuk kam regjistruar me ndërhyrje disa kandidate të disa njerëzve qe jetojnë e veprojnë në Kosovë. Ju e dini se regjistrimi ketë vit ka shkuar në mënyrën me të rregullt të mundshme, dhe kjo krijon hasmëri në një ambient siç është ky yni. Nuk mendoj se është bërë asnjë gabim deri me tani, as nga unë e as nga stafi që unë drejtoj. Ka pasur vonesa në realizim të premtimeve dhe ka akoma, por jo edhe dështim në realizim të tyre.

Deklarohet se jeni duke bërë spastrime në administratën e Universitetit nga ata që ishin para se ju të shkoni aty. Pse ato ndryshime, nuk plotësojnë kriteret apo mbi çfarë bazë veprohet? Po ashtu në fakultete ka pakënaqësi me mënyrën se si po funksionon administrata. E konsideroni atë ende si shumë burokratike dhe të ngathtë?

HASANI: Nuk është fare ashtu. Nuk kam bërë spastrime. UP ka një administratë të viteve ’70 të shekullit të kaluar, për dallim nga institucionet tjera publike ku ajo është e re, dhe kjo administratë nuk është efektive sa duhet. Urdhëroni bëni një sondazh dhe shihni sa të mëdha janë ankesat e studentëve në këtë administratë, e pabesueshme. Kjo na ka shtyrë që të bëjmë ristrukturimin e saj në mënyrë graduale, fillimisht duke i ndërruar njerëzit nga postet kyçe nëpër fakultete dhe duke i dërguar ata në fakultete tjera, sepse aty ku janë qe njëzetë vjet kanë krijuar struktura burokratike pa nevojë dhe që si të tilla e pengojnë procesin administrativ efektiv. Në ndërkohë jemi duke bërë shikimin e ofertave për digjitalizim të tërësishëm të administratës së UP-së dhe kjo donë pak kohë. Por, do ta fillojmë shumë shpejtë edhe këtë proces. Digjitalizimi i administratës së UP-së shumë e ndihmon efektivitetin e punës sonë.

Mst: UP deri këtë vit ka qenë vetëm arenë ku 80 për qind e kohës ka kaluar duke hyrë e duke dalë nga provimet dhe kjo gjendje e tillë ekziston vetëm edhe në universitet serbe

Prapë probleme në fakultete, një rrahje e re mes profesorëve. Çfarë keni ndërmarr, sepse më herët keni deklaruar se do të vendosni disiplinë në Universitet, që t’i evitoni këto dukuri negative?

HASANI: Përveç largimit nga puna, suspendimit, asgjë më shumë nuk mund të bëhet nga ne. Çfarë do të kishit bërë ju ? Asgjë mendoj! Është punë raportesh njerëzore që nuk rregullohen dot nga lartë dhe me diktat. Por, mirë nuk është fare. Nuk na bën nderë kjo shprehi e disa kolegëve tanë që marrin ligjin në duart e tyre për të zgjidhur telashet që kanë ndërmjet veti.

Disa nga fakultete apo departamente ankohen për mungesë kundrash mësimdhënëse, të lëndëve dhe profileve apo mundësisë për të zgjedhur drejtimin në shkallën e tretë. Si do të tejkalohet kjo gjendje dhe çfarë është duke u bërë në këtë drejtim?

HASANI: Kjo është kështu. Kështu e kam gjetur dhe nuk mund ta sanoj për dy muaj. Shkollimi i asistentëve tanë në botën e jashtme ka qenë dhe është prioritet i të gjitha vizitave që kam pasur jashtë këta dy muaj. Kam premtime të mira se kuadrot tona do të pranohen për doktoratë jashtë vendit, por donë pak kohë deri sa universitetet që kam kontaktuar të kalojnë procedurat e tyre ligjore për të na ndihmuar. Jam optimist në këtë drejtim. Prej janarit të këtij viti një asistent ka shkuar në Gjermani për doktoratë dhe besoj më shumë sish do të kemi jashtë me studime. Kjo e ndryshon gjendjen gradualisht.

Po ashtu reformat kanë përfshi dy segmente: reduktimi i lëndëve në disa fakultete dhe zvogëlimi i afateve për provime. Mendoni se këto dy gjëra kanë qenë të tepërta dhe që kanë shkaktuar ngarkesë tek studentët dhe mundësi manovrimi?

HASANI: Zvogëlimi i lëndëve duhet të bëhet patjetër, sepse rritja e tyre është bërë jashtë çdo kriteri nëpër disa fakultete, kurse nuk mund të flitet për zvogëlim afatesh por për respektimit të Statutit të UP-së dhe të standardeve ndërkombëtare. UP deri këtë vit ka qenë vetëm arenë ku 80 për qind e kohës ka kaluar duke hyrë e duke dalë nga provimet dhe kjo gjendje e tillë ekziston vetëm edhe në universitet serbe. Afatet e provimeve duhet të jenë si në botën e civilizuar e jo siç ka qenë deri më tani dhe që akoma ekziston nëpër universitet serbe. Urdhëroni shiko internetin dhe e konstatoni këtë gjendje që unë them nëpër Serbi, fare lehtë.

Kush beson në vetëmajftushmëri të dijes që prodhohet në Kosovës, është naivi më i madh

Prej nga lindi konflikti në mes tuajin dhe udhëheqjes së studentëve, cilat ishin pikat që shkaktuan pakënaqësi tek Parlamenti i Studentëve?

HASANI: Ajo gjendje është tejkaluar besoj. Fare thjeshtë: disa nga ta donin të bëheshin menaxher të UP-së, në vend timin, dhe unë të bëhem klient i tyre. Kjo nuk shkon. Studentët janë klientët tanë dhe në jemi në shërbim të tyre, dhe menaxhojmë UP-në për të mirën e tyre dhe të Kosovës në përgjithësi. Ka kaluar koha kur UP ka qenë instrument i luftës kundër Serbisë. Tani jemi të lirë dhe duhet të sillemi si ndaj institucioneve tona nacionale, jo si ndaj diçkaje që është e huaj. UP-ja është e jona dhe ka një rregull si duhet të ecin punët, kush është menaxher e kush student.

Deklaroni se keni vendos kontakte me universitete të ndryshme të botës. Është kjo mënyra për ta nxjerr Universitetin e Prishtinës nga gjendja e tanishme dhe mundësia për ta përmirësuar imazhin e tij në sytë e të tjerëve?

HASANI: Pa asnjë dyshim. Kush beson në vetëmajftushmëri të dijes që prodhohet në Kosovës, është naivi më i madh.

Çfarë po bëhet me integrimin e UP-së në sistemin e universiteteve që hynë në Kartën e Bolonjës dhe sa afër është UP-ja që t’i plotësojmë kriteret e saj?

HASANI: UP-ja ka një koordinator të ECTS-ve dhe disa tjerë nëpër çdo fakultet. Këta shërbejnë si instruktorë për stafin e UP-së në rrugën tonë kah Evropa. Në të njëjtën kohë, duhet të rregullojmë planet e programet mësimore, përmbajtjen e tyre dhe pjesa tjetër i takon MASHT-it, me të cilin kemi koordinim mjaft të mirë. Pa koordinim të UP-së dhe të strukturave tjera publike të arsimit, nuk ka Bolonjë. Kjo po bëhet çdo ditë e më shumë realitet. Grupi i Promotorëve të Bolonjës në MASHT, ku UP ka përfaqësuesit e vet, është shembulli më i mirë se si dhe kah duhet lëvizur bashkërisht.

Me tregoni nëse ka një universitet ndokund në botën perëndimore ku ti mund të bëhesh profesor pa botuar kurrë asnjë shkrim që ka recension ndërkombëtar?

Kanë dalë informata se diploma e juaj nuk është e nostrifikuar në Ministri të Arsimit. Është kjo një nga detyrimet që ka personeli akademik ndaj UP-së para se të pranohet si ligjërues dhe se ju vërtet nuk e keni paraqit ende diplomën për nostrifikim?

HASANI: Sipas Statutit të UP-së, për të qenë rektor nuk duhet të kesh diplomë të Kosovës. Rektor i UP-së mund të jetë edhe dikush nga Afrika e Jugut, nga Bangladeshi, nga SHBA-të , e kështu me radhë, me kusht që plotëson kushtet e profesorit të rregullt. Ju e dini se unë kam qenë profesor i rregullt në disa vende jashtë Kosovës, në Evropë, ShBA, dhe Turqi, kohë pas kohe. Në ndërkohë, në media ka dalë informacioni se unë nuk kam diplomë valide. Unë jo vetëm që e kam valide, por i kam dy mastera dhe një doktoratë që ka vlerë ndërkombëtare, që nuk kërkon nostrifikim në 90 për qind të vendeve të botës, ose pse Turqia (si vend i lëshimit të saj) ka marrëveshje mbi njohjen reciproke të diplomave të saj, ose pse universiteti ku kam studiuar unë ka akreditim absolut ndërkombëtar . Kjo ka qenë arsyeja pse unë nuk jam marrë me këtë punë. Nuk kam menduar se në Kosovë më duhet një gjë e tillë, sepse ligji i Kosovës është nxjerr më 2003 dhe unë kam qenë profesor në atë kohë. Përveç kësaj, këtu nuk flitet për legalizim të titullit akademik, siç u tha në media, por për vërtetim të titullit shkencor. Më vjen keq të them se unë jam shokuar kur kam parë paditurinë themelore të disa gazetarëve rreth këtyre koncepteve kaq të thjeshta. Nostrifikimi është proces administrativ që vërteton nëse diploma ose dokumenti është i vërtetë, pra nuk vlerësohet përmbajtja e tyre si e tillë. Nostrifikimi, mbi të gjitha, nuk është pengesë për të qenë mësimdhënës e rektor, menaxher i UP-së, sepse fundja ne kemi shumë të huaj që vijën këtu gjatë universiteteve verore, dhe akoma janë në proces të rregullt në UP (në Fakultetin Filozofik), e nuk ka asnjë logjikë t’u kërkojmë nostrifikimin. Fundja, ne synojmë të bëhemi euro-perëndimor dhe kjo nuk behët duke kërkuar që diplomat e perëndimorëve të jenë si tonat, apo jo? Më lejoni t’ju them se kërkesën për nostrifikim, për arsye të kortezisë, e kam bërë jo para një jave ose dje, por para shumë javësh e muajsh, siç u tha në disa media. Fundja, si mund të vlerësojë dikush që nuk ka të kryer as fakultetin, se çka është diplomë ndërkombëtarisht e njohur dhe valide e çka duhet të nostrifikohet patjetër?

Po ashtu jeni kritikuar për mënyrën tuaj të vlerësimit të personelit akademik në UP. Është kjo mënyra më e mirë për të pasur njohuri, se çfarë ligjëruesish ka në Universitet?

HASANI: Mënyra e avancimeve akademike që është filluar nga unë dhe stafi im është mënyrë që bëhet në çdo universitet perëndimor dhe në tërësi në bazë të Statutit të UP-së. Me tregoni nëse ka një universitet ndokund në botën perëndimore ku ti mund të bëhesh profesor pa botuar kurrë asnjë shkrim që ka recension ndërkombëtar? Urdhëroni futuni në internet dhe shikoni avancimet e këtij semestri në Zagreb, Lubjanë, Maribor, Vjenë, Berlin dhe kudo, dhe nëse gjeni vetëm një avancim të dikujt pa botuar në revista me recension ndërkombëtar, atëherë unë do ju mbetem borxh çfarë të dëshironi. Këtë praktikë do ta çojmë deri në fund dhe me çdo kusht.

Unë atij asnjë euro nuk ia kam dhënë e as nuk kam ndërmend të paguaj, sepse nuk kam të drejtë për një gjë të tillë

Po çështja “Veber”ta quajmë kështu, si qëndrojnë punët aty, sepse edhe për mënyrë e të pranuarit dhe shuma që është paguar për mbetjen e prof. Veberit edhe më tutje në UP, është kritikuar?

HASANI: Zotin Gerog Veber e kam gjetur aty, jo në UP, por në MASHT, dhe kam bërë kërkesë për pagesën e tij nga Qeveria dhe Qeveria normalisht nuk ka dhënë përgjigje pozitive sepse ka qenë shumë e madhe. Letra ime drejtuar Qeverisë ka qenë një lloj reference për z. Veber dhe ai në janar lëshon Kosovën, sepse nuk ka hasur në përkrahje as të strukturave vendore e as të ndonjë projekti ndërkombëtar, siç ka qenë rasti prej vitit 2003 kur ai ka pasur financim. Unë atij asnjë euro nuk ia kam dhënë e as nuk kam ndërmend të paguaj, sepse nuk kam të drejtë për një gjë të tillë. Për pagesat e larta nuk jam unë kompetent por Bordi i UP-së. U mor vesh, unë kam të drejtë të shkruaj letra e kërkesa, referenca siç u kam bërë me dhjetëra studentëve, dhe këtë të drejtë askush nuk mund të ma mohoj. Në media është paraqitur sikur unë kam dhënë pare për z. Veber dhe kjo nuk është fare e vërtetë. E vërteta është kjo që thashë dhe asgjë më shumë.

Ku mendoni ta fokusoni vëmendjen më shumë apo cilat janë prioritete tuaja për Universitetin e Prishtinës gjatë vitit 2007?

HASANI: Shkollimi i mëtejmë i kuadrove të Kosovës jashtë vendit, krijimi i hapësirës më civilizuese në kampusin e UP-së, bërja e planeve e programeve të reja të UP-së, hapje deri në fund e UP-së ndaj universiteteve të botës dhe konkurrencës më tjerët